Il project capricorn ei in'iniziativa privata senza intenziuns commercialas. La finamira ei da crear cun collaboraziun da biars voluntaris (ni silmeins d'entgins fetg motivai ;-)) in dicziunari sursilvan che sa vegnir integraus da maniera sempla els pli populars programs da communicaziun moderna. La finamira da quella pagina web ei da facilitar la collaboraziun aschia che nus savein beinspert guder ils fretgs d'in dicziunari sursilvan cumplet. Has survegniu appetit?
Il capricorn ei bu mo num e quet, mobein era program: bunamein exterminaus all'entschatta dil 19avel tschentaner ellas alps (ils davos 100 tocs (plus/minus) sezupavan ell'Italia), dumbr'ins oz, suenter conseqentas stentas mo gia en Svizra puspei entuorn 17'000 exemplars (dapli che Sursilvans?). Quei muossa tgei ch'ins sa contonscher cun buna veglia e collaboraziun. Igl ei cun la medema veglia ed entras collaboraziun che nus lein menar il sursilvan sin via segira el 21'avel tschentaner ed aunc lunsch suenter... egl emblem dil project havein perquei il symbol d'il capricorn dil zodiac.