Tgei auter!
Ti scrivas tes documents cun Openoffice. Tias mails cun Thunderbird. Il web perscruteschas cun Firefox, Chrome, Safari, ni Opera. Ti has forsa in Mac u in I-Pad, ni lavuras cun Linux. Gratuleschel oz ei tiu di da cletg. Ti has in niev amitg: il dicziunari sursilvan.
Tut quels utensils e systems drovan numnadamein il medem program per verificar l'ortografia da quei che ti scrivas. In per tuts e tuts per in. Hunspell ei siu num. E per che hunspell curregi texts sursilvans drova el 'mo' ina gliesta cumpleta da tuts plaids sursilvans. Naturalmein sco in scriva els endretg. E gest quella gliesta (lein duvrar il plaid dicziunari) cumpletein nus cun duvrar quella pagina web. Per saver co nus fagein quei legia vinavon. Sche sas denton buca spitgar d'empruar igl acutal dicziunari (adatg el ei aunc buc cumplets):
In dicziunari sursilvan cumplein per utilisaziun digitala vegn a cutener denter 80'000 ed entuorn 100'000 plaids. Quei ei dapli che mintga vocabulari. Daco quei? Ironicamein perquei ch'il mund digital ei en sesez zun tups. In Sursilvan drova in vocabulari (manegiein cheu il cudisch) cun intuiziun per la structura da siu lungatg (ok, era empau suenter haver endirau sut sia gramatica en scola). En mintga cas, cu el legia el vocabulari in plaid sco per exempel igl adjetiv bi sa el ch'il feminin ei biala ed ils plurals bials e bialas.
In dicziunari digital vegn denton duvraus d'in program, e lez enconuscha il bia ni la gramatica dil lungatg, ni ha el svilupau in'intuiziun per quella. El cumpensescha quei, na buc cun in grond auto, mobein cun l'enconuschientscha da tuttas variaziuns ch'in plaid sa ver (per nies adjectiv fuss quei gia cun las quater variaziuns: bi, biala, bials, bialas, tier substantivs da regla cul singular ed il plural, tier verbs cun lur entira conjugaziun che ha entuorn 11 fuormas screttas differentas.) ed aschia cuntegn in dicziunari digital entuorn 5 ga dapli plaids ch'in vocabulari. E quei ei buca mo il cass per il sursilvan, mobein per mintga lungatg. Il vocabulari tudestg da hunspell ha per exempel varga 120'000 plaids. XXX link to current stats of vocabulary.
Sche la raccolta ei gronda, co stat ei culs luvrers? En general ei la savida da biars pli profunda che l'enconuschientcha d'in sulet, era schil davos ei in expert. Sche nus ch'essan buca linguists collaborein cun premura savein contunscher il medem resultat sc'in singul linguist. E quei pli spert e senza stuer metter si in prezi per nies dicziunari.
La clav dil success ei ina methoda sempla e capeivla, nua mintgin sa contribuir tenor siu gust, e tuttina nua che la qualitad vegn mantenida. Cheu ei ella: